പൊന്നാനിയുടെ പ്രണയകഥ പറയാന്‍ കിസ്മത്ത് വരുന്നു

പൊന്നാനിയുടെ പശ്ചാത്തലത്തിൽ പ്രണയത്തിന്റെ കഥ പറയുന്ന കിസ്മത്ത് ഉടൻ തിയ്യേറ്ററുകളിലേക്ക്. നവാഗതനായ ഷാനവാസ് കെ ബാവക്കുട്ടിയാണ് കഥയും തിരക്കഥയും നൽകുന്നത്. രാജീവ് രവിയാണ് ചിത്രത്തിന്റെ നിർമ്മാതാവ്. ബി.ടെക് വിദ്യാർത്ഥിയായ ഇർഫാന്റെയും ചരിത്ര ഗവേഷകയായ അനിതയുടെയും പ്രണയമാണ് കിസ്മത്. പൊന്നാനിയുടെ ഹൃദയം തൊട്ടറിഞ്ഞ ഷാനവാസ്, പൊന്നാനിയുടെ മനോഹാരിതയെയും പൈതൃകത്തെയും മനോഹരമായി ദൃശ്യവത്കരിക്കാൻ ഈ സിനിമയിലൂടെ ശ്രമിച്ചിട്ടുണ്ട്‌

ഷെയിൻ നിഗം, ശ്രുതി മേനോൻ എന്നിവരാണ് ഇർഫാനും അനിതയുമായി സ്‌ക്രീനിൽ എത്തുന്നത്. പ്രണയം മുഖ്യ വിഷയമായി എടുത്തിരിക്കുന്ന കിസ്മത്തിന് ദൃശ്യഭാഷ നൽകിയത് ക്യാമറമാൻ സുരേഷ് രാജാണ്.ഉടൻ തിയ്യറ്ററുകളിലെത്തുന്ന ഈ സിനിമ വലിയ വിജയമാണ് അൻവർ അലി, റഫീഖ് അഹമ്മദ്, മഹാകവി മോയിൻകുട്ടി വൈദ്യർ എന്നിവരുടെ വരികൾക്ക് നവാഗതരായ സുമേഷ് പരമേശ്വരനും ഷമേജ് ശ്രീധരനും സംഗീതം നൽകുന്നു. പ്രോഡക്ഷൻ കൺട്രോളർ പ്രവീൺ ബി മേനോൻ, പ്രോഡക്ഷൻ ഡിസൈനർ പി വിജയകുമാർ, ആർട്ട് ഡയറക്ടർ നാഗരാജ്, പരസ്യകല ഓൾഡ് മോങ്ക്.