മലയാളത്തിന്റെ ഭാവഗായകന്‍ പി.ജയചന്ദ്രന്റെ സ്വരമാധുരിയില്‍ ഒരു ഓണപ്പാട്ട് കൂടി ആസ്വാദകരിലേക്ക്. പ്രണയചിത്രങ്ങള്‍ എന്ന ആല്‍ബത്തിലെ ജയചന്ദ്രന്‍ ആലപിച്ച ‘നല്ലോരോണമല്ലേ സഖീ നീയെന്‍ ചാരയില്ലേ ..’ എന്ന് തുടങ്ങുന്ന ഗാനത്തിന്റെ ദൃശ്യാവിഷ്കാരം യുട്യൂബില്‍ പുറത്തിറങ്ങി. സേതുമാധവന്റെ വരികള്‍ക്ക് വിദ്യാധരന്‍ മാസ്റ്റര്‍ ഈണം പകര്‍ന്നിരിക്കുന്നു.
സോപാനം ദി മ്യൂസിക് ഓഫ് അസന്റിന്റെ ബാനറില്‍ ശ്രീമൂലനഗരം പൊന്നന്‍ ഒരുക്കിയിരിക്കുന്ന ഗാനരംഗത്തില്‍ നടന്‍ ജയകൃഷ്ണന്‍, നീല മേനോന്‍ എന്നിവര്‍ പ്രധാനകഥാപാത്രങ്ങളായെത്തുന്നു. ഷിജു എ. ഭാസ്കര്‍ ഛായാഗ്രഹണവും ജിതിന്‍ രാജീവ്‌ ചിത്രസംയോജനവും നിര്‍വഹിച്ചിരിക്കുന്നു.
Post Your Comments