തന്റെ പുതിയചിത്രമായ സുല്‍ത്താന്‍റെ പ്രചരണത്തിന്‍റെ ഭാഗമായി സല്‍മാന്‍ ഖാന്‍ നടത്തിയ പരാമര്‍ശം വന്‍ വിവാദമായിരുന്നു. സുല്‍ത്താന്‍റെ ഷൂട്ടിങ്ങ് കഴിഞ്ഞിറങ്ങിയപ്പോള്‍ ബലാത്സംഗം ചെയ്യപ്പെട്ട സ്‍ത്രീയെ പോലെ അവശയായിരുന്നു താന്‍ എന്ന സല്മാന്റെ പ്രസ്താവനയാണ് വിവാദത്തിലായത്. ഇതേതുടര്‍ന്ന്, പ്രമുഖരടക്കം നിരവധി പേര്‍ സല്‍മാന്‍ ഖാനെതിരെ രംഗത്തെത്തിയിരുന്നു. ഇതിനു പിന്നാലെ ഇപ്പോഴിതാ സല്‍മാന്‍ ഖാന്‍ മറ്റൊരു വിവാദത്തിലും പെട്ടിരിക്കുകയാണ്.
പ്രമുഖ മാധ്യമപ്രവർത്തകനായ സച്ചില്‍ കല്‍ബര്‍ഗിന്റെ ട്വീറ്റാണ് ഇപ്പോള്‍ സല്‍മാന്‍ ഖാനെതിരെ ചർച്ചയായിരിക്കുന്നത്. ഒരു മാധ്യമപ്രവർത്തകയുടെ മുന്നില്‍ മൂത്രമൊഴിച്ച പ്രമുഖ നടനെ പരാമര്‍ശിച്ചു കൊണ്ടാണ് സച്ചിന്‍ ട്വീറ്റ് ചെയ്തിരിക്കുന്നത്. ഇപ്പോള്‍ വാര്‍ത്തകളില്‍ നിറഞ്ഞുനില്‍ക്കുന്ന പ്രമുഖ നടന്‍ എന്നാണ് സച്ചിന്‍ പറയുന്നത്. അത് സല്‍മാന്‍ ഖാന്‍ തന്നെയാണെന്നാണ് നവമാധ്യമങ്ങളില്‍ നടക്കുന്ന ചൂടന്‍ ചര്‍ച്ചകളില്‍ പറയുന്നത്.
സച്ചിന്‍റെ ട്വീറ്റില്‍ പറയുന്നതനുസരിച്ച് സിനിമാ നിരൂപണത്തില്‍ ദേശീയ അവാര്‍ഡ് നേടിയ ഒരു മാധ്യമപ്രവര്‍ത്തകയ്‍ക്കാണ് ഈ ദുരനുഭവം ഉണ്ടായത്. സല്മാന്റെ ചില ചിത്രങ്ങളെ വിമര്‍ശിച്ച് ഇവര്‍ മുമ്പ് എഴുതിയിരുന്നു.
“വര്‍ഷങ്ങള്‍ക്ക് മുമ്പ് പുതിയ സിനിമയുടെ റിലീസ് വന്നപ്പോള്‍ ഇപ്പോള്‍ വാര്‍ത്തകളില്‍ നിറഞ്ഞു നില്‍ക്കുന്ന പ്രമുഖനടന് അതേ മാധ്യപ്രവര്‍ത്തകയ്ക്ക് തന്നെ അഭിമുഖം നല്‍കേണ്ടതായി വന്നു. എന്നാല്‍ ഇത് പ്രതികാരം ചെയ്യാനുള്ള അവസരമായിട്ടാണ് നടന്‍ കണ്ടത്. മണിക്കൂറുകളോളം അവരെ വെയിലത്ത് നിര്‍ത്തിയതിനു ശേഷമാണ് നടന്‍ ഇരിക്കാന്‍ പറയുന്നത്. അഭിമുഖം തുടങ്ങാനായപ്പോള്‍, എനിക്ക് മൂത്രമൊഴിക്കണമെന്ന് പറഞ്ഞ് അഞ്ച് അടി മാത്രം അകലെപോയി അവര്‍ക്ക് മുന്നില്‍ നടൻ മൂത്രമൊഴിച്ചു. തന്റെ സിനിമകളെ വിമര്‍ശിച്ചത് നടന്‍ പ്രതികാരം ചെയ്യുകയായിരുന്നു. നടന്റെ ഇത്തരം പ്രവര്‍ത്തി കണ്ടപ്പോള്‍ മാധ്യമപ്രവര്‍ത്തക അവിടെ നിന്ന് ഇറങ്ങിപ്പോരുകയും ചെയ്‍തു,” സച്ചിന്‍ തന്റെ ട്വീറ്റുകളില്‍ പറയുന്നു.
Post Your Comments