പത്തനാപുരം : താരപോരാട്ടം നടന്ന പത്തനാപുരത്ത് തന്റെ എതിര്‍ സ്ഥാനാര്‍ത്ഥിയായിരുന്ന നടന്‍ ജഗദീഷിനെതിരെ രൂക്ഷവിമര്‍ശനവുമായി കെ.ബി.ഗണേഷ് കുമാര്‍ എം.എല്‍.എ. നീചമായും മ്ലേച്ഛമായും സംസ്‌കാര ശൂന്യവുമായാണ് ജഗദീഷ് തനിക്കെതിരെ പ്രചാരണം നടത്തിയതെന്ന് ഗണേഷ് പറഞ്ഞു.
കഴിഞ്ഞ മൂന്ന് തവണയും ഇടതുപക്ഷത്തെ ശക്തരായ അന്തസുള്ള നേതാക്കളോടാണ് താന്‍ മത്സരിച്ചത്. എന്നാല്‍ ഇത്തവണ നീചനായ ഒരാളോട് മത്സരിക്കേണ്ട ഗതികേടായിരുന്നുവെന്നും ഗണേഷ് പറഞ്ഞു. അഴിമതിക്കെതിരായ വിജയമാണിത്. അഴിമതിക്കാരായ മന്ത്രിമാര്‍ക്കെതിരെ നിയമസഭയില്‍ പ്രസംഗിച്ചതു കൊണ്ടാണ് തനിക്ക് യു.ഡി.എഫ് വിടേണ്ടി വന്നതെന്നും ഗണേഷ് കൂട്ടിച്ചേര്‍ത്തു.
Post Your Comments