അവരുടെ രാവുകള്‍ ചിത്രത്തിന്റെ നിര്‍മ്മാതാവ് അജയ് കൃഷ്ണന്റെ മരണ കാരണം വ്യക്തമാക്കി പ്രചരിക്കുന്ന വാര്‍ത്ത തികച്ചും തെറ്റാണെന്നാണ് ഉണ്ണി മുകുന്ദന്‍റെ പ്രതികരണം. പ്രിവ്യു കണ്ടിട്ട് സിനിമ പരാജയപ്പെടുമെന്ന അജയ് കൃഷ്ണന്റെ പേടിയായിരുന്നു മരണകാരണം എന്ന നിഗമനത്തോട് പ്രതികരിക്കുകയായിരുന്നു ഉണ്ണി മുകുന്ദന്‍. ചിത്രത്തിന്റെ പോസ്റ്റ് പ്രൊഡക്ഷന്‍ വര്‍ക്കുകള്‍ ആരംഭിച്ചിട്ടില്ല. അതിന് മുമ്പേ എങ്ങനെ ചിത്രത്തിന്റെ പ്രിവ്യു ഇറങ്ങും ഉണ്ണി മുകുന്ദന്‍ ചോദിക്കുന്നു. അജയ് കൃഷ്ണന്റെ മരണ കാരണം അദ്ദേഹത്തിന്റെ വീട്ടുകാര്‍ക്കോ സഹപ്രവര്‍ത്തകര്‍ക്കോ അറിയില്ല. ലൊക്കേഷനില്‍ എല്ലാവരുമായും നല്ല അടുപ്പമുള്ള ആളായിരുന്നു അജയ് കൃഷ്ണന്‍. ചിത്രീകരണത്തിന് വേണ്ടിയുള്ള ഒരു കാര്യങ്ങള്‍ക്കും അദ്ദേഹം കുറവ് വരുത്തിയിട്ടില്ലെന്നും ഉണ്ണി പറയുന്നു. അദ്ദേഹത്തിന്റെ മരണം ഉണ്ടാക്കിയ വേദനയില്‍ നിന്ന് ഇപ്പോഴും ഞങ്ങള്‍ വിമുക്തരായിട്ടില്ലെന്നും ഉണ്ണി മുകുന്ദന്‍ വേദനയോടെ കൂട്ടിച്ചേര്‍ത്തു.
Post Your Comments