ഷാരൂഖിന്റെ പുതുതായി വരാനിരിക്കുന്ന ചിത്രം ‘റയീസ്’ ചിലപ്പോള്‍ തിയറ്ററുകളില്‍ എത്താന്‍ വൈകിയേക്കും എന്നാണ് പുതിയ സൂചന. സല്‍മാന്‍റെ സുല്‍ത്താനൊപ്പം റയീസ് തീയേറ്ററുകളില്‍ വരുമെന്നായിരുന്നു ആദ്യം വന്ന വാര്‍ത്തകള്‍. എന്നാല്‍ അണിയറക്കാര്‍ ഇതില്‍നിന്ന് പിന്മാറുന്നതായിട്ടാണ് അറിയാന്‍ കഴിഞ്ഞത്. സുല്‍ത്താനൊപ്പം പുറത്തിറക്കിയാല്‍ ചിത്രത്തിന് സംഭവിക്കാവുന്ന കളക്ഷനിലെ വന്‍ ഇടിവ് അവരെ ആശങ്കയിലാഴ്ത്തുന്നു. വരുന്ന ഈദിനാണ് ‘സുല്‍ത്താന്‍’ തീയേറ്ററില്‍ എത്തുക. ഈദ് കഴിഞ്ഞാലും ബോളിവുഡില്‍ സിനിമകളുടെ പെരുമഴയാണ്
ഈദ് കഴിഞ്ഞാല്‍ പിന്നെ ഈ വര്‍ഷം വരുന്ന പ്രധാന ഉത്സവ സീസണ്‍ ദീപാവലിയാണ്. പക്ഷേ ദീപാവലി റിലീസ് നേരെത്തെ നിച്ഛയിച്ച രണ്ടു ചിത്രങ്ങളാണ് അണിയറയില്‍ തയ്യാറെടുക്കുന്നത്. അജയ് ദേവ്ഗണ്‍ ചിത്രം ശിവായ്, കരണ്‍ ജോഹറിന്റെ രണ്‍ബീര്‍ കപൂര്‍ ചിത്രം ഏ ദില്‍ ഹൈ മുഷ്‌കില്‍ എന്നീ ചിത്രങ്ങളാണ് ദീപാവലിക്ക് തീയേറ്ററുകളില്‍ എത്തുക. ദീപാവലി കഴിഞ്ഞാല്‍ പിന്നെയുള്ള പ്രധാന സീസണ്‍ ക്രിസ്മസാണ്. പക്ഷേ ക്രിസ്മസ് റിലീസായി ആമിര്‍ ഖാന്റെ ‘ഡംഗല്‍’ എത്തും. അതിനാല്‍ റയീസിന്റെ റിലീസ് അടുത്ത വര്‍ഷത്തേക്ക് മാറ്റിവയ്ക്കാനാണ് സാധ്യതയെന്ന് പ്രമുഖ എന്റര്‍ടെയ്ന്‍മെന്റ് വെബ്‌സൈറ്റുകള്‍ റിപ്പോര്‍ട്ട് ചെയ്യുന്നു.
Post Your Comments