തിരക്കഥാകൃത്തായ ജിനു എബ്രഹാം ആദ്യമായി സംവിധാനം ചെയ്യുന്ന സിനിമയാണ് ആദം. ബോളിവുഡ് താരം മിഷ്തി ചക്രവര്‍ത്തിയാണ് ഈ സിനിമയില്‍ പൃഥ്വിരാജിന്‍റെ നായികയാകുന്നത്. ഹന്ന എന്ന ഫോര്‍ട്ട്‌ കൊച്ചിക്കാരിയുടെ വേഷമാണ് മിഷ്തി സിനിമയില്‍ അവതരിപ്പിക്കുക. ഹൈറേഞ്ചിിലെ പ്ലാന്ററായ ആദം ജോർജാണ് പൃഥ്വിരാജ്. നടി മിയ ജോര്‍ജും സിനിമയില്‍ ഒരു പ്രധാന വേഷം അവതരിപ്പിക്കുന്നുണ്ട്. നിരവധി പരസ്യചിത്രങ്ങളില്‍ അഭിനയിച്ചിട്ടുള്ള മിഷ്തി ബോളിവുഡ് ചിത്രമായ കാഞ്ചി: ദ് അണ്‍ബ്രെയ്ക്കബിളില്‍ നായികയായിരുന്നു. രണ്ട് തെലുങ്ക് ചിത്രങ്ങളില്‍ അഭിനയിച്ചിട്ടുണ്ട്. മുണ്ടക്കയം, സ്‌കോട്‌ലന്‍ഡ്, കൊച്ചി എന്നിവിടങ്ങളിലായിരിക്കും ആദം എന്ന സിനിമയുടെ പ്രധാന ലൊക്കേഷനുകള്‍.
Post Your Comments