സൂര്യയുടെ പുതിയ ചിത്രത്തിന്റെ റിലീസ് തീയ്യതി പ്രഖ്യാപിച്ചു. വിക്രം കെ കുമാര്‍ സംവിധാനം ചെയ്യുന്ന സയന്‍സ് ഫിക്ഷന്‍ ചിത്രം മെയ് 6നാണ് തീയേറ്ററുകളില്‍ എത്തുക. ചിത്രം റിലീസ് ചെയ്യുന്ന വിദേശരാജ്യങ്ങളില്‍ പക്ഷേ മെയ് 5ന് പ്രദര്‍ശനം ആരംഭിക്കും. ചിത്രത്തിന്റെ ടീസറിനും ട്രെയ്‌ലറിനും പാട്ടുകള്‍ക്കുമൊക്കെ വലിയ സ്വീകാര്യതയാണ് ഇന്‍റര്‍നെറ്റില്‍ ലഭിച്ചു കൊണ്ടിരിക്കുന്നത്. സാമന്തയും നിത്യ മേനനും നായികമാരാകുന്ന ചിത്രത്തില്‍ ഗിരീഷ് കര്‍ണാട്, അജയ്, ശരണ്യ പൊന്‍വണ്ണന്‍, സത്യന്‍ എന്നിവരും അഭിനയിക്കുന്നു. എ ആര്‍ റഹ്മാനാണ് സംഗീതം. സൂര്യ തന്നെയാണ് ചിത്രത്തിന്റെ നിര്‍മ്മാണം.
Post Your Comments