മുംബൈ: പ്രമുഖ ടെലിവിഷന്‍ താരം പ്രത്യുഷ ബാനര്‍ജി ആത്മഹത്യ ചെയ്തു. വെള്ളിയാഴ്ച മുംബൈ ഗോരേഗവോണിലെ വസതിയില്‍ സീലിംഗ് ഫാനില്‍ തൂങ്ങിയ നിലയിലാണ് പ്രത്യുഷയെ കണ്ടെത്തിയത്. ഉടന്‍തന്നെ മുംബൈ കോകിലാ ബെന്‍ അംബാനി ആശുപത്രിയില്‍ എത്തിച്ചെങ്കിലും ഡോക്ടര്‍മാര്‍ മരണം സ്ഥിരീകരിക്കുകയായിരുന്നു.
24 കാരിയായ പ്രത്യുഷ ‘ബാലിക വധു’ എന്ന ജനപ്രിയ സീരിയയിലൂടെ പ്രശസ്തയായിരുന്നു. തുടര്‍ന്ന് ബിഗ്‌ബോസ് റിയാലിറ്റി ഷോയുടെ ഏഴാമത് എഡിഷനിലും ഭാഗമായിരുന്നു. ബിഗ്‌ ബോസില്‍ പ്രവേശിക്കുന്നതിന് മുന്‍പ് 2013 ല്‍ ആണ്‍സുഹൃത്ത് മകരന്ദ് മല്‍ഹോത്രയ്ക്കെതിരെ പോലീസില്‍ പരാതി നല്‍കി പ്രത്യുഷ വാര്‍ത്തകളില്‍ നിറഞ്ഞിരുന്നു.
ജംഷഡ്പൂര്‍ സ്വദേശിനിയായ നടിയെ ആത്മഹത്യയിലേക്ക് നയിച്ചതിന്റെ കാരണം അറിവായിട്ടില്ല. അതേസമയം, സ്വകാര്യ ജീവിതത്തിലും കാമുകന്‍ രാഹുല്‍ രാജ് സിംഗുമായുള്ള ബന്ധത്തിലും നടി അസ്വസ്ഥയായിരുന്നതായി റിപ്പോര്‍ട്ടുണ്ട്. ഇരുവരും ഉടന്‍ വിവാഹിതരാകാനിരിക്കുകയായിരുന്നു.
സംഭവത്തില്‍ മുംബൈ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
Post Your Comments