ശ്രീശാന്ത് നായകനാകുന്ന പുതിയ ചിത്രം

ക്രിക്കറ്റ് താരം ശ്രീശാന്ത് നായകനായി എത്തുന്ന പുതിയ ചിത്രമാണ് ‘ടീം ഫൈവ്’ ഈ ചിത്രം സംവിധാനം ചെയ്യുന്നത് നവാഗതനായ സുരേഷ് ഗോവിന്ദാണ്.

ചിത്രത്തിലെ നായിക വേഷം അവതരിപ്പിക്കുന്നത് നിക്കി ഗില്‍ റാണിയാണ് . ഇപ്പോള്‍ തെരഞ്ഞെടുപ്പിന്റെ തിരക്കിലാണ് ശ്രീശാന്ത്. തെരഞ്ഞെടുപ്പിന്റെ തിരക്കുള്ളതിനാല്‍ ചിത്രീകരണം ആരംഭിക്കാന്‍ വൈകുമെന്നും പറയുന്നു.

ബാബു ആന്റണിയും ചിത്രത്തില്‍ ഒരു പ്രധാന വേഷത്തില്‍ എത്തുന്നുണ്ട്. ചിത്രത്തെ കുറിച്ചുള്ള മറ്റ് വിവരങ്ങള്‍ പുറത്ത് വിട്ടിട്ടില്ല. ഗോപീ സുന്ദറാണ് ചിത്രത്തിന്റെ സംഗീത സംവിധാനം നിര്‍വ്വഹിക്കുന്നത്.