മലര്‍വാടി ആര്‍ട്‌സ് ക്ലബ്ബ് എന്ന ചിത്രത്തിലൂടെ നിവിന്‍ പോളിയെ സിനിമയിലേക്ക് കൊണ്ട് വന്നത് വിനീത് ശ്രീനിവാസനാണ് .പിന്നീട് തട്ടത്തിന്‍ മറയത്ത് എന്ന ചിത്രത്തിലൂടെ നിവിന്‍ പോളിയെ ഒരു തിരക്കുള്ള നടനാക്കിയതും വിനീതാണ്.. ഇപ്പോള്‍ നിവിന്‍ പോളി അഭിനയിക്കുന്ന ചിത്രങ്ങളെല്ലാം മികച്ച വിജയങ്ങളാണ്. മിക്ക പുതുമുഖ സംവിധായകര്‍ക്കും നിവിന്‍ ധൈര്യത്തോടെ കൈ കൊടുക്കുന്നു. ഇനി വിനീതിന്റെ സംവിധാനത്തില്‍ ഇറങ്ങുന്ന ജേക്കബിന്റെ സ്വര്‍ഗ്ഗരാജ്യമാണ് ഉടന്‍ തയ്യാറെടുക്കുന്ന വിനീത് ചിത്രം.
അടുത്തിടെ നല്‍കിയ ഒരു അഭിമുഖത്തില്‍ നിവിന്‍ പോളിയുടെ വിജയ രഹസ്യത്തെ കുറിച്ച് വിനീത് സംസാരിക്കുകയുണ്ടായി.
നിവിന്‍ ചിത്രങ്ങള്‍ വിജയിക്കുന്നതിന്റെ കാരണം അയാള്‍ തിരക്കഥയ്ക്ക് കൊടുക്കുന്ന പ്രധാന്യമാണെന്ന് വിനീത് പറയുന്നു. ആദ്യം നിവിന്‍ തിരക്കഥ വായിച്ചു കേള്‍ക്കും. പിന്നീട് തിരക്കഥ വാങ്ങിക്കൊണ്ടു പോയി വായിക്കും. പലതവണ വയിക്കുമ്പോള്‍ അയാള്‍ക്കുണ്ടാവുന്ന സംശയങ്ങള്‍ വിളിച്ച് ചോദിച്ചുകൊണ്ടേയിരിക്കും. ഇതിന് പുറമെ നിവിന്‍ തിരക്കഥ വായിച്ചു നോക്കുമ്പോള്‍ തനിക്കുണ്ടാവുന്ന സംശയങ്ങള്‍ എഴുതി വയ്ക്കും. അവസാന സിറ്റിങില്‍ ഈ സംശയങ്ങളെല്ലാം ചോദിക്കും. അതിനൊക്കെ കൃത്യമായ മറുപടി കിട്ടിക്കഴിഞ്ഞാല്‍ പിന്നെ ചോദ്യങ്ങളുണ്ടാവില്ല. നിവിന്റെ ഇത്തരം ചോദ്യങ്ങള്‍ തിരക്കഥയില്‍ തിരുത്തല്‍ വരുത്താന്‍ എന്നെ സഹായിച്ചിട്ടുണ്ടെന്നും വിനീത് പറയുന്നു.
Post Your Comments