മുംബൈ: എന്തിരന്‍ 2ല്‍ രജനീകാന്തിന്റെ വില്ലനായി വരുന്നത് ബോളീവുഡ്‌ ആക്ഷന്‍ താരം അക്ഷയ് കുമാറാണ്‌. ശങ്കര്‍ ഒരുക്കുന്ന ചിത്രത്തില്‍ വമ്പന്‍ ഗറ്റപ്പിലാണ്‌ അക്ഷയ് കുമാര്‍ എത്തുന്നത്‌. ചിത്രത്തിലെ തന്റെ ഫസ്‌റ്റ് ലുക്ക്‌ അക്ഷയ് കുമാറിന്റെ ഫാന്‍സ്‌ ക്ലബ്ബാണ്‌ ട്വിറ്ററിലൂടെ പുറത്ത്‌ വിട്ടത്‌.
അക്ഷയ് കുമാര്‍ വില്ലന്‍ വേഷത്തില്‍ എത്തുന്ന ആദ്യ ചിത്രമെന്ന പ്രത്യേകതയും എന്തിരന്‍ 2വിനുണ്ട്. ചിത്രത്തില്‍ ഡോക്‌ടര്‍ റിച്ചാര്‍ഡ്‌ എന്ന കഥാപാത്രമാവും അക്ഷയ് കുമാറിന്റേത്‌ എന്നാണ്‌ അറിയാന്‍ കഴിയുന്നത്. ശാസ്‌ത്രജ്‌ഞനായ റിച്ചാര്‍ഡ്‌സ് പിന്നീട്‌ കാക്കയുടെ രൂപത്തിലേക്ക് പരിണാമം സംഭവിക്കുന്നു.
അതേസമയം അക്ഷയ് കുമാറിനൊപ്പം ഷൂട്ടിംഗില്‍ സന്തോഷം പ്രകടിപ്പിച്ച്‌ സംവിധായകന്‍ ശങ്കര്‍ ട്വീറ്റ്‌ ചെയ്‌തിരുന്നു. നേരത്തെ അര്‍നോള്‍ഡ്‌ തുടങ്ങിയ മറ്റ്‌ പ്രമുഖരെ വില്ലന്മാരായി പരിഗണിച്ചിരുന്നെങ്കിലും അവസാനം അക്ഷയ്‌കുമാറിനെ നിശ്‌ചയിക്കുകയായിരുന്നു.
Post Your Comments