ആയിരം വിലാപകാവ്യങ്ങളേക്കാള്‍ വാചാലം ഈ ഒരൊറ്റ ചിത്രം..
അഞ്ജു പ്രഭീഷ്
കലാകേരളത്തിന് നികത്താനാവാത്ത വന്‍ വിടവ് ബാക്കിയാക്കി കലാഭവന്‍ മണി കാലയവനികയ്ക്കുള്ളില്‍ മറഞപ്പോള്‍,മനസ്സിലൊളിപ്പിച്ച കാളകൂടവിഷവുമായി ചില അഭിനവപുരോഗമനവാദികള്‍ തിരശീലയ്ക്ക് പിന്നില്‍ നിന്നും അരങ്ങിലേക്കെത്തുന്നു..’മരണ’ത്തെ പോലും കച്ചവടച്ചരക്കാക്കുന്ന ഇത്തരക്കാര്‍ക്ക് സഹിക്കാന്‍ കഴിയാത്ത കാര്യം മോഹന്‍ലാല്‍ വിലാപകാവ്യം എഴുതിയില്ലയെന്നതിലാണ്..ഇത്തരക്കാരോട് ഒരപേക്ഷ.. നിജസ്ഥിതിയറിയാതെ മുഖപുസ്തകത്തില്‍ വല്ലവനും പറയുന്നത് കേട്ട് മോഹന്‍ലാലിനു നേരെ വാളോങ്ങുന്നതിനു മുമ്പ് രാഷ്ട്രീയമത വ്യത്യാസങ്ങള്‍ മനസ്സില്‍ സൂക്ഷിക്കാതെ ഒന്ന് അദ്ദേഹത്തിന്റെ പ്രൊഫൈല്‍ നേരാംവണ്ണം കയറിനോക്കുക.അപ്പോള്‍ കാണാം സത്യം സൂര്യനായി തെളിഞ്ഞുവരുന്നത്.
2016ലെ മരണകണക്കെടുപ്പില്‍ മണിക്ക് മുമ്പേ ഗമിച്ചവര്‍ക്കെല്ലാം തന്നെ മോഹന്‍ലാല്‍ അനുശോചനം നേര്‍ന്നിരിക്കുന്നത് ആദരാഞ്ജലികള്‍ എന്നോ ഓര്‍മ്മപ്പൂക്കള്‍ എന്നോയുള്ള ഒരൊറ്റ വാക്കുകളിലാണ്..നടി കല്പനയുടെ കുടുംബത്തോടും ആനന്ദക്കുട്ടനോടും ഏറെ അടുപ്പം സൂക്ഷിച്ചിരുന്ന അദ്ദേഹം അവരുടെ വിയോഗത്തില്‍ പോലും വിലാപകാവ്യമെഴുതാതെ ഒരൊറ്റ വാക്കില്‍ അനുശോചനം അറിയിച്ചിരിക്കുന്നു.ഒന്നരപ്പു
മുഖപുസ്തകം വരുന്നതിനും ബ്ലോഗെഴുത്തിനും മുമ്പേ ഒരു കാലമുണ്ടായിരുന്നു നമുക്ക്..മൃതശരീരത്തിന് മുന്നില്‍ നിന്നും മൃതദേഹം കാണാന്‍ വരുന്ന പ്രശസ്തരുടെ മുന്നില്‍ നിന്നും സെല്‍ഫിയെടുത്ത് പോസ്റ്റ് ഇട്ടു ലൈക്കും കമന്റും വാങ്ങി ചാരിതാര്‍ത്ഥ്യമടയുന്നതിനും മുന്നേ മനുഷ്യനെ മനുഷ്യനായി കണ്ടിരുന്ന,സഹജീവികളുടെ ദുഃഖം തന്റെയും ദുഃഖമാണെന്ന് കരുതിയിരുന്ന ഒരു നല്ല കാലം.അന്നത്തെ കാലത്ത് നിന്നും മലയാളസിനിമാശാഖയില്‍ വളര്‍ന്നു വന്ന താരങ്ങളായിരുന്നു മോഹന്‍ലാലും മമ്മൂട്ടിയും സുരേഷ്‌ഗോപിയുമൊക്കെ..അവരിലെ നന്മ കണ്ടറിയുവാന്‍ കേവലം സ്റ്റാറ്റസുകളുടെ ആവശ്യമില്ല തന്നെ.
പട്ടം സദന്‍ എന്ന പഴയകാല അതുല്യ ഹാസ്യനടന്‍ മരിച്ചപ്പോള്‍ ചെന്നൈയിലെ ആശുപത്രിയിലെത്തി മൃതദേഹം ഏറ്റുവാങ്ങി നാട്ടിലെത്തിക്കാന്‍ ‘കരയുവാനറിയാത്ത’ മോഹന്‍ലാലെന്ന ഈ മഹാനടന്‍ മാത്രമേ ഉണ്ടായിരുന്നുള്ളൂവെന്ന സത്യം നിങ്ങളില്‍ എത്രപേര്‍ക്കറിയാം??രോഗാതുരനായി ആശുപത്രിയില്‍ കിടന്ന ആ വലിയകലാകാരന് കൊടുക്കാന്‍ അമ്പതിനായിരത്തിന്റെ ചെക്കുമായി ചെന്നത് വേണു നാഗവള്ളിയെന്ന മറ്റൊരു മനുഷ്യസ്‌നേഹി ആയിരുന്നു.അതു പോലെതന്നെ ബ്ലോഗ് എഴുത്ത് അത്ര കലയാക്കാത്ത സുരേഷ്‌ഗോപിയെന്ന മനുഷ്യസ്‌നേഹി കൊടുത്ത താങ്ങും തണലിലും വളര്‍ന്ന അനാഥരായ നാലുമക്കളെ കുറിച്ച് എത്രപേര്‍ക്ക് അറിയാം? ആ മക്കളാണ് ഇന്ന് മലയാളസിനിമയിലെ വളര്‍ന്നു വരുന്ന പ്രതിഭകളായ രതീഷിന്റെ മക്കള്‍ പാര്‍വതിയും( മധുരനാരങ്ങ ഫെയിം) പത്മരാജനും..അവരോടു ചോദിച്ചാല്‍ അറിയാം ഇന്ന് മണിക്കായി കണ്ണുനീര്‍ വാര്‍ക്കുന്ന സിനിമാലോകത്തെയും സാഹിത്യ ലോകത്തെയും അതികായന്മാരില്‍ എത്ര പേര്‍ പറക്കമുറ്റാത്ത രതീഷിന്റെ നാല് മക്കള്‍ക്ക് വേണ്ടി എന്ത് ചെയ്തുവെന്നത്..അവര്‍ പറഞ്ഞ തരും വലിയ വായില്‍ വിലപിക്കുന്നവര്‍ കാര്യത്തോടടുക്കുമ്പോള്‍ എന്ത് ചെയ്യുമെന്ന യാഥാര്‍ത്ഥ്യം . കാള പെറ്റെന്നു കേള്‍ക്കുമ്പോഴേ കയറെടുക്കുന്ന സുഹൃത്തുക്കളേ നിങ്ങള്‍ ഒന്നോര്‍ക്കുക, നാല് വോട്ടിനു വേണ്ടി കാട്ടിക്കൂട്ടുന്ന ഈ കോപ്രായങ്ങളുടെ യഥാര്‍ത്ഥ ലക്ഷ്യം സാധാരണ ജനങ്ങള്‍ക്ക് മനസ്സിലാക്കാന്‍ വലിയ വലിയ സര്‍വ്വ കലാശാലകളില്‍ നിന്നും ഡോക്ടറേറ്റ് നേടണമെന്നില്ല..നുണപ്രചരണങ്ങള്
Post Your Comments