തൃശ്ശൂര്‍: ചലച്ചിത്ര സംവിധായകന്‍ മോഹന്‍രൂപ് അന്തരിച്ചു. ഇന്ന് രാവിലെ തൃശ്ശൂര്‍ മിഷന്‍ ക്വാര്‍ട്ടേഴ്‌സിലെ വീട്ടില്‍ മരിച്ച നിലയില്‍ കണ്ടെത്തുകയായിരുന്നു. മമ്മൂട്ടി, മോഹന്‍ലാല്‍, ശ്രീനിവാസന്‍ തുടങ്ങിയവരെ ആദ്യമായി ഒന്നിപ്പിച്ച വേട്ട എന്ന ചിത്രത്തിന്റെ സംവിധായകനാണ്.
നൂറിലേറെ ഹ്രസ്വചിത്രങ്ങളും ഡോക്യുമെന്ററികളും സംഗീത ആല്‍ബങ്ങളും പരസ്യചിത്രങ്ങളും സംവിധാനം ചെയ്തിട്ടുണ്ട്. ഛായാഗ്രാഹകന്‍ സാലു ജോര്‍ജ്ജ്, അടുത്തിടെ അന്തരിച്ച സംഗീത സംവിധായകന്‍ രാജാമണി എന്നിവരെ മലയാള സിനിമയില്‍ പരിചയപ്പെടുത്തിയത് മോഹന്‍രൂപ് ആണ്. ഇവരെ സൂക്ഷിക്കുക, വര്‍ഷങ്ങള്‍ പോയതറിയാതെ, എക്‌സ്‌ക്യൂസ് മി ഏതു കോളേജിലാ, സ്പര്‍ശം, കണ്‍കള്‍ അറിയാമല്‍, തൂതുവന്‍ മുതലായവയാണ് പ്രധാന ചിത്രങ്ങള്‍.
തൂതുവന്‍ എന്ന ചിത്രത്തിലൂടെ ഭാരതീയ ലളിതകലാ അക്കാദമിയുടെ ഡോ.അംബേദ്കര്‍ പുരസ്‌കാരം അദ്ദേഹത്തെ തേടിയെത്തി. പ്രീതയാണ് ഭാര്യ. മൃണാള്‍, നിള എന്നിവര്‍ മക്കളാണ്.
Post Your Comments