ബോളിവുഡിലെ ‘ചോക്ലേറ്റ് ബോയ്’ എന്നറിയപ്പെടുന്ന നടന്‍ ഷാഹിദ് കപൂര്‍ ഇന്ന് 35-ാം പിറന്നാള്‍ ആഘോഷിക്കുകയാണ്. കഴിഞ്ഞ വര്‍ഷം ചെയ്ത കഥാപാത്രങ്ങള്‍ പ്രേക്ഷകരുടെ ശ്രദ്ധ പിടിച്ചുപറ്റിയിരുന്നു. ഇഷ്‌ക്-വിഷ്‌ക് എന്ന ചിത്രത്തില്‍ ഷാരൂഖിനോടൊപ്പം ചെറിയ വേഷം ചെയ്താണ് സിനിമയിലേക്ക് വരുന്നത്. പിന്നീട് ഷാഹിദ് ജബ് വി മെറ്റ്, വിവാഹ്, ഹൈദര്‍ തുടങ്ങിയ ചിത്രങ്ങളില്‍ മികച്ച അഭിനയം കാഴ്ച്ചവെച്ചു. പ്രണയ രംഗങ്ങള്‍ തകര്‍ത്തഭിനയിക്കുന്ന ഷാഹിദിന് ആരാധികമാര്‍ കൂടുതലാണ്.
ഷാരൂഖ് ഖാന്‍, കരീഷ്മ, മാധുരി തുടങ്ങിയവര്‍ അഭിനയിച്ച ‘ദില്‍ തോ പാഗല്‍ ഹേ’ എന്ന ചിത്രത്തിലെ ഗാനരംഗത്തില്‍ ബാക്ക് ഗ്രൗണ്ട് ഡാന്‍സറായി ഷാഹിദ് കപൂറും ഉണ്ടായിരുന്നു.’ചോട്ട് ദില്‍ പെ ലഗി’ എന്ന ചിത്രത്തിലാണ് ഷാഹിദ് ആദ്യം നായകനായത്. ഓരോ ചിത്രങ്ങളിലും വ്യത്യസ്ത ലുക്കിലായിരുന്നു താരം പ്രത്യക്ഷപ്പെട്ടത്.
Post Your Comments