ബോളിവുഡ് നായികമാരില്‍ ഏറ്റവും ജനപ്രിയ താരം ദീപിക പദുകോണ്‍. ഓര്‍ മാക്‌സ് മീഡിയ നടത്തിയ ഓണ്‍ലൈന്‍ സര്‍വേയിലാണ് ദീപിക ഒന്നാമത് എത്തിയിരിക്കുന്നത്. കത്രീന കൈഫാണ് ദീപികയ്ക്ക് തൊട്ട് പിന്നിലുള്ളത്. 3,300 പേരാണ് സര്‍വേയില്‍ പങ്കെടുത്തത്. ജനപ്രീതിയില്‍ മൂന്നാം സ്ഥാനത്ത് പ്രിയങ്കാ ചോപ്രയുമുണ്ട്. കരീന കപൂര്‍, കജോള്‍, ഐശ്വര്യ റായ്, ആലിയ ഭട്ട്, മാധുരി ദീക്ഷിത്, സോനാക്ഷി സിന്‍ഹ, ജാക്വിലിന്‍ ഫെര്‍ണാണ്ടസ് എന്നിവരാണ് ആദ്യ പത്തില്‍ ഇടം പിടിച്ച മറ്റു താരങ്ങള്‍.
പിക്കു, തമാശ, ബാജിറാവു മസ്താനി എന്നീ ചിത്രങ്ങളാണ് ദീപിക നായികയായി 2015ല്‍ പുറത്തിറങ്ങിയത്. ഇതിന് പിന്നാലെ ദീപികയുടെ ഹോളിവുഡിലേക്കുള്ള അരങ്ങേറ്റവും സര്‍വേയില്‍ ഗുണം ചെയ്തു എന്നാണ് കണകാക്കപ്പെടുന്നത്. 2006ല്‍ ആരംഭിച്ച ദീപിക പദുകോണിന്റെ കരിയറിലെ ഏറ്റവും മികച്ച സമയമായും 2015നെ സര്‍വേക്ക് ശേഷം വിലയിരുത്തുന്നുണ്ട്.
Post Your Comments