കുട്ടികളെയും ചെറുപ്പക്കാരെയും പ്രതിനിധീകരിക്കുന്ന ചിത്രങ്ങളുടെ വിഭാഗമായ ജനറേഷന്‍ കെ പ്ലസിലെ മികച്ച ചിത്രത്തിനുള്ള ക്രിസ്റ്റല്‍ ബിയര്‍ അവാര്‍ഡാണ് ഒറ്റാലിന് ലഭിച്ചത്. മികച്ച ചിത്രത്തിനുള്ള സംസ്ഥാന ചലച്ചിത്ര പുരസ്കാരവും മികച്ച തിരക്കഥ, പരിസ്ഥിതി സംരക്ഷണത്തിനുള്ള ചിത്രം എന്നിങ്ങനെ ദേശീയ ചലച്ചിത്ര പുരസ്കാരങ്ങളും ഒറ്റാല്‍ നേടിയിരുന്നു. ഡിസംബറില്‍ നടന്ന രാജ്യാന്തര ചലച്ചിത്രമേളയില്‍ ഉന്നത പുരസ്കാരങ്ങളെല്ലാം നേടി കേരളത്തിന്‌ അഭിമാനമായ ചിത്രം സംവിധാനം ചെയ്തത് ദേശീയ പുരസ്കാര ജേതാവായ ജയരാജാണ്. കുട്ടനാടിന്‍റെ പശ്ചാത്തലത്തില്‍ ഒരു കുട്ടിയും അവന്‍റെ മുത്തച്ചനും തമ്മിലുള്ള ബന്ധം ആവിഷ്കരിക്കുന്ന ചിത്രം റഷ്യന്‍ സാഹിത്യകാരനായ ആന്‍റണ്‍ ചെക്കോവിന്‍റെ വാങ്ക എന്ന ചെറുകഥയുടെ ചലച്ചിത്രാവിഷ്കാരമാണ്.
Post Your Comments