സിഐഡി മൂസയ്ക്ക് രണ്ടാം ഭാഗം ഉടന്‍ ചെയാന്‍ ആലോചനയുണ്ടെന്ന് നടന്‍ ദിലീപ് മാധ്യമങ്ങളോട് പറഞ്ഞു ! ഏറെ ജനപ്രീതി നേടിയ ഏവരും ഇഷ്ടപ്പെട്ട സിനിമാ ചരിത്രത്തിലെ തന്നെ മികച്ച കോമഡി ചിത്രമായിരുന്നു ദിലീപ് നായകനായ സിഐഡി മൂസ , 2003ല്‍ സൂപ്പര്‍ ഹിറ്റുകള്‍ മാത്രം സമ്മാനിച്ചിരുന്ന ദിലീപിന്‍റെ സുവര്‍ണ്ണകാലത്താണ് സിഐഡി മൂസ റിലീസ് ചെയ്തത് . ജോണി ആന്‍റണി സംവിധാനവും ദിലീപിന്‍റെ ഉടമസ്ഥതയിലുള്ള ഗ്രാന്‍ഡ്‌ പിക്ചേഴ്സ് നിര്‍മ്മാണവും നിര്‍വഹിച്ച ചിത്രത്തില്‍ ഭാവന ആയിരുന്നു നായിക . ഇപ്പോഴും മിനിസ്ക്രീനില്‍ പ്രക്ഷേപണം ചെയ്യുമ്പോള്‍ ധാരാളം പ്രേക്ഷകരുണ്ട് ഇത് കാണാന്‍ , ദിലീപും കൂട്ടരും സിനിമാപ്രേമികള്‍ക്ക് സമ്മാനിച്ച ഏറ്റവും മികച്ച ഹാസ്യ പൂര്‍ണ്ണമായ ഒരു സമ്മാനചിത്രമായിരുന്നു സിഐഡി മൂസ . ചിത്രത്തില്‍ ഒട്ടും ഒഴിച്ച്കൂടാനാവാത്ത അര്‍ജുന്‍ എന്ന നായയും ഏറെ ശ്രദ്ധിക്കപ്പെട്ടിരുന്നു .
ചിത്രത്തിന്‍റെ തിരക്കഥ എഴുതിയത് മലയാള സിനിമയിലെ മികച്ച ഇരട്ട തിരക്കഥാകൃത്തുക്കളായ ഉദയകൃഷ്ണയും സിബി കെ തോമസുമാണ് . സിഐഡി മൂസയുടെ അവസാനം പ്രേക്ഷകര്‍ക്ക് ഒരു രണ്ടാം ഭാഗത്തിനുവേണ്ടി കാത്തിരിക്കാനുള്ള അവസരം കൊടുത്തിട്ടുണ്ട് . ഇപ്പോള്‍ അത് സത്യമാവാന്‍ പോവുകയാണ് പക്ഷെ ഇത്രയും സൂപ്പര്‍ ഹിറ്റായ ഒരു ചിത്രത്തിന്‍റെ രണ്ടാം ഭാഗമൊരുക്കുമ്പോള്‍ വളരെയധികം തയ്യാറെടുപ്പുകളും മുന്‍കരുതലുകളും എടുക്കേണ്ടതുണ്ടെന്നും പ്രേക്ഷകരുടെ ചിത്രത്തെ പറ്റിയുള്ള പ്രതീക്ഷകള്‍ വളരെയധികം ഉയര്‍ന്ന നിലയിലായിരിക്കുമെന്നും അത്കൊണ്ട് തന്നെ വളരെയധികം സൂക്ഷിക്കെണ്ടതുന്ടെന്നുംഏറ്റവും പുതിയ റിപ്പോര്‍ടുകള്‍ സൂചിപ്പിക്കുന്നു .
ടു കണ്ട്രീസിന്റെ വിജയാഘോഷതിനിടെയാണ് ദിലീപ് മാധ്യമങ്ങളോട് ഇക്കാര്യമറിയിച്ചത് ഉടനെ തന്നെ സിഐഡി മൂസയുടെ രണ്ടാം ഭാഗം ഉടന്‍ തന്നെ ചെയ്യുമെന്നും ആദ്യ ഭാഗം പോലെ ഏവരെയും രസിപ്പിക്കുന്ന ഒരു മികച്ച കോമഡി ചിത്രമായിരിക്കും അതെന്നും ദിലീപ് മാധ്യമങ്ങളോട് പറഞ്ഞു , മലയാളി പ്രേക്ഷകരും മറ്റൊരുപാട് പേരും ചിത്രത്തിന്‍റെ രണ്ടാംഭാഗത്തിനായ് തന്നോട് ആവശ്യപ്പെട്ടിരുന്നെന്നും അത് കൊണ്ട് തന്നെ വളരെ നന്നായ് ചിത്രീകരിച്ചതിന് ശേഷം ചിത്രം റിലീസ് ചെയ്യാനാണ് താല്‍പ്പര്യമെന്നും ദിലീപ് മാധ്യമങ്ങളോട് പറഞ്ഞു .
ഇപ്പോള്‍ ദിലീപ് തന്നെ ചിത്രം തീര്‍ച്ചപ്പെടുത്തിയ സ്ഥിതിക്ക് സിഐഡി മൂസ വീണ്ടും ഒരു മികച്ച മിഷനുമായ് വരുന്നത് ഏറെ ആകാംഷയോടെ കാത്തിരിക്കാന്‍ പ്രേക്ഷകര്‍ക്ക് ഒരു കാരണമാണ് ഒന്നാം ഭാഗത്തേക്കാള്‍ മികച്ചു നില്‍ക്കുന്ന കോമഡി എന്റര്‍ടയ്നര്‍ ആയിരിക്കും ഇതെന്നും ദിലീപ് തന്നെ മാധ്യമങ്ങളോട് പറഞ്ഞ സ്ഥിതിക്ക് പ്രേക്ഷകര്‍ ആകാംക്ഷയുടെ മുള്മുനയിലാണ് .
Post Your Comments