Jannah Theme License is not validated, Go to the theme options page to validate the license, You need a single license for each domain name.
literatureworldnewsstudy

മെമ്പര്‍ഷിപ്പും ലൈബ്രേറിയനുമില്ല; വ്യത്യസ്തമാകുന്ന ലൈബ്രറിയെക്കുറിച്ച് അറിയാം

ഒരു ലൈബ്രറി എന്ന് കേള്‍ക്കുമ്പോള്‍ പുസ്തകങ്ങള്‍ക്കൊപ്പം ഓര്‍മ്മിക്കുന്ന ഒന്നാണ് ലൈബ്രേറിയന്‍. മറ്റൊന്ന് ലൈബ്രറി കാര്‍ഡ്. കാരണം അംഗത്വം ഇല്ലെകില്‍ പുസ്തകങ്ങള്‍ എടുക്കാന്‍ സാധിക്കില്ലലോ. എന്നാല്‍ മെമ്പര്‍ഷിപ്പും ലൈബ്രേറി യനുമില്ലാത്ത ലൈബ്രറികള്‍ ഉണ്ട്. വിശ്വസിക്കാന്‍ മടിക്കണ്ട. സത്യമാണ് മെമ്പര്‍ഷിപ്പില്ല, മേല്‍നേട്ടത്തിന് ആളില്ല, ബുക്കുകള്‍ തിരികെ കൊടുക്കാന്‍ പ്രത്യേക തീയതിയില്ല. ഇങ്ങനെ ഒരു ലൈബ്രറി സംവിധാനത്തിന് പിന്നിലുളളത് ചെന്നൈ സ്വദേശിയായ മഹേന്ദ്ര കുമാറെന്ന 69 കാരനാണ്.

വ്യക്തി വികാസത്തിന് ഏറ്റവും അത്യന്താപേക്ഷിതമാണ് പുസ്തകങ്ങള്‍ എന്ന തിരിച്ചറിവാണ് ഇതിനു പിന്നില്‍. മഹേന്ദ്ര കുമാര്‍ 2015 ലാണ് ലൈബ്രറികള്‍ക്ക് തുടക്കമിടുന്നത്. സൗജന്യമായി വായിക്കുക, തിരികെ നല്‍കുക (റീഡ് ആന്‍ഡ് റിട്ടേണ്‍ ഫ്രീ (ആര്‍. എഫ്. എല്‍) എന്നതാണ് ലൈബ്രറിയുടെ പ്രവര്‍ത്തന രീതി. 2015 ല്‍ ചെന്നൈയിലെ തിരുമല്ലിവോയിലിലെ സിമന്‍റ് കടയില്‍ ഒരു മേശയുടെ മുകളില്‍ തുടങ്ങിയ ലൈബ്രറി ഒരുപാട് പേരെ ആകര്‍ഷിച്ചു. സിമന്‍റ് കടയില്‍ തുടങ്ങിയ ഈ ലൈബ്രറി മറ്റ് സ്ഥലങ്ങളില്‍ കൂടുതല്‍ ആര്‍.എഫ്.എല്‍ ലൈബ്രറികള്‍ തുടങ്ങാന്‍ മഹേന്ദ്ര കുമാറിന് ആവേശം നല്‍കി. ഇതിനായി അദ്ദേഹം ചെന്നൈയിലെ വിവിധ സ്ഥലങ്ങളിലെ സാമൂഹ്യക്കൂട്ടയ്മകളുമായി ബന്ധപ്പെട്ടു. റെസിഡന്‍ഷ്യല്‍ അസ്സോസിയേഷനുകള്‍, മെഡിക്കല്‍ ക്ലിനിക്കുകള്‍, സ്വകാര്യ ഒഫീസുകള്‍, വ്യാപാരക്കൂട്ടായ്മകള്‍ എന്നിങ്ങനെ ചെന്നൈയില്‍ മാത്രം നാല്‍പ്പത്തിയെട്ടോളം സാമൂഹ്യക്കൂട്ടായ്മകള്‍ ആര്‍.എഫ്.എല്‍. ലൈബ്രറിക്ക് സഹായവുമായി മുന്നോട്ട് വന്നു.

ഇപ്പോള്‍ ചെന്നൈ, നീലഗിരി ജില്ല, കോയമ്ബത്തൂര്‍, മഹാരാഷ്ട്ര എന്നിവടങ്ങളിലായി 66 ലൈബ്രറികള്‍ തുറക്കാന്‍ മഹേന്ദ്രയ്ക്കു കഴിഞ്ഞു. ഇന്ന് വിദ്യാര്‍ത്ഥികള്‍, അദ്ധ്യാപകര്‍, ഫാക്ടറി തൊഴിലാളികള്‍, വിവിധ ആശ്രുപത്രികളിലായി എത്തുന്ന രോഗികള്‍ എന്നിവര്‍ ദിനംപ്രതി ആര്‍.എഫ്.എല്‍. ലൈബ്രറികളുടെ സൗജന്യ സേവനം പ്രയോജനപ്പെടുത്തുന്നു. 2016 ല്‍ ആര്‍.എഫ്.എല്ലിന് വേണ്ടി മഹേന്ദ്ര ഒരു വെബ്സൈറ്റും തുടങ്ങി.

 

shortlink

Post Your Comments

Related Articles


Back to top button