ടോളിവുഡിന്റെ മെഗാ സ്റ്റാര്‍ ചിരഞ്ജീവിയെപ്പറ്റിയുള്ള പുസ്തകം മെഗാ ചിരഞ്ജീവിതം- സിനി പ്രസ്ഥാനം 150-തിന്റെ പ്രകാശനം അക്കിനേനി നാഗേശ്വര റാവു നിര്‍വ്വഹിച്ചു.
ചിരഞ്ജീവിയുടെ മകനും മെഗാ ആക്ടറുമായ രാം ചരണ്‍ തേജയാണ് ആദ്യ കോപ്പി കൈപ്പറ്റിയത്.
പ്രശസ്ത നിര്‍മ്മാതാവ് അല്ലു അരവിന്ദ്, കെ എസ് രാമ റാവു , സാഹിത്യകാരന്‍ പരചുരി വെങ്കിടേശ്വര റാവു എന്നിവര്‍ ചടങ്ങില്‍ സന്നിഹിതരായിരുന്നു.
പ്രമുഖ മാധ്യമ പ്രവര്‍ത്തകന്‍ രാമ റാവുവാണ് പുസ്തകം തയ്യാറാക്കിയത്. ഇതില്‍ ചിരഞ്ജീവിയുടെ ഇതുവരെയുള്ള സിനിമാജീവിതയാത്രയാണ് പ്രമേയം. അവസാനചിത്രം ഖൈദി വരെ പുസ്തകത്തില്‍ പ്രതിപാദിച്ചിട്ടുണ്ട്.
Post Your Comments