മനാമ : രാജ്യത്തെ വിവിധ ഗവർണറേറ്റുകളിൽ 1137 പരിശോധനകൾ നടത്തിയതായി ബഹ്‌റൈൻ ലേബർ മാർക്കറ്റ് റെഗുലേറ്ററി അതോറിറ്റി അറിയിച്ചു. ഫെബ്രുവരി 10-നാണ് ബഹ്‌റൈൻ ന്യൂസ് ഏജൻസി ഇക്കാര്യം റിപ്പോർട്ട് ചെയ്‌തത്‌.
രാജ്യത്തെ നിയമങ്ങൾ ലംഘിച്ച് കൊണ്ട് ബഹ്‌റൈനിൽ തുടരുന്ന പ്രവാസികളെ കണ്ടെത്തുന്നതിനായും, തൊഴിൽ മേഖലയിലെ ക്രമക്കേടുകൾ കണ്ടെത്തുന്നതിനായും 2025 ഫെബ്രുവരി 2 മുതൽ ഫെബ്രുവരി 8 വരെയുള്ള കാലയളവിൽ 1137 പരിശോധനകളാണ് അതോറിറ്റി നടത്തിയത്.
ഈ കാലയളവിൽ ഇത്തരം നിയമലംഘനങ്ങളുമായി ബന്ധപ്പെട്ട് 30 പ്രവാസി തൊഴിലാളികളെ അറസ്റ്റ് ചെയ്‌തതായി അതോറിറ്റി അറിയിച്ചു. ഈ കാലയളവിൽ 124 പ്രവാസികളെ നാട് കടത്തിയതായും അതോറിറ്റി കൂട്ടിച്ചേർത്തു.
Post Your Comments