ഗുരുഗ്രാമിലെ ഹോട്ടല്‍ മുറിയില്‍ കൊല്ലപ്പെട്ട യുവ മോഡലിന്റെ മൃതദേഹത്തിനായി വ്യാപക തിരച്ചില്‍. സിറ്റി പോയിന്റ് ഹോട്ടലിലാണ് 27കാരിയായ മുന്‍ മോഡല്‍ ദിവ്യ പഹൂജ കൊല്ലപ്പെട്ടത്. കൊലപാതകം നടന്ന സിറ്റി പോയിന്റ് ഹോട്ടലിന്റെ ഉടമയായ അഭിജിത്ത് സിംഗ് ആണ് ദിവ്യ പഹൂജ എന്ന യുവതിയെ കൊലപ്പെടുത്തിയത്. ദിവ്യയുടെ മൃതദേഹം ഒഴിവാക്കാന്‍ അഭിജിത് സഹായികള്‍ക്ക് പണം നല്‍കിയെന്നും പൊലീസ് കണ്ടെത്തി.
പ്രധാന പ്രതിയായ അഭിജിത്ത് ഉൾപ്പെടെ മൂന്ന് പേരെയും മറ്റ് രണ്ട് പേരെയും (പ്രകാശ്, ഇന്ദ്രജ്) ഗുരുഗ്രാം ക്രൈംബ്രാഞ്ച് നേരത്തെ അറസ്റ്റ് ചെയ്തിരുന്നു. പ്രകാശും ഇന്ദ്രജും അഭിജിത്തിന്റെ ഹോട്ടലിലാണ് ജോലി ചെയ്തിരുന്നത്. ഹോട്ടലുടമ അഭിജിത്ത് കൂട്ടാളികളുമായി ചേർന്ന് കൊലപാതകം നടത്തിയെന്നും തുടർന്ന് ദിവ്യയുടെ മൃതദേഹം സംസ്കരിക്കാൻ കൂട്ടാളികൾക്ക് 10 ലക്ഷം രൂപ നൽകിയെന്നുമാണ് പരാതി.
മൃതദേഹം സഹായികള്‍ക്കൊപ്പം മുറിയില്‍ നിന്ന് വലിച്ചിഴച്ച് ബിഎംഡബ്ല്യു കാറില്‍ കയറ്റിക്കൊണ്ടുപോയി ഉപേക്ഷിക്കുകയായിരുന്നു.
ഒളിവില്‍ തുടരുന്ന പ്രതികള്‍ക്കായി പൊലീസ് അന്വേഷണം ഊര്‍ജ്ജിതമാക്കിയിട്ടുണ്ട്. ജനുവരി 2 ന് (ചൊവ്വാഴ്‌ച) പുലർച്ചെ 4 മണിയോടെ അഭിജിത്തും യുവതിയും മറ്റൊരാളും ഹോട്ടൽ റിസപ്ഷനിൽ എത്തി 111-ാം നമ്പർ മുറിയിലേക്ക് പോകുന്നതിന്റെ ദൃശ്യങ്ങൾ പുറത്തുവന്നിട്ടുണ്ട്. സംഭവത്തിന്റെ ദൃശ്യങ്ങളെല്ലാം ഹോട്ടലിലെ സിസിടിവി ക്യാമറയില്‍ പതിഞ്ഞിട്ടുണ്ട്. കുപ്രസിദ്ധ കുറ്റവാളി സന്ദീപ് ഗഡോളി വധത്തിലെ മുഖ്യപ്രതിയാണ് കൊല്ലപ്പെട്ട ദിവ്യ. 2016ല്‍ മുംബൈയിലാണ് വ്യാജ പൊലീസ് ഏറ്റുമുട്ടലില്‍ സന്ദീപ് ഗഡോളി കൊല്ലപ്പെടുന്നത്. കേസില്‍ ദിവ്യ, അവരുടെ മാതാവ്, അഞ്ച് പൊലീസ് ഉദ്യോഗസ്ഥര്‍ എന്നിവരായിരുന്നു പ്രതികള്‍.
2016 ൽ മുംബൈയിൽ നടന്ന വിവാദ ഏറ്റുമുട്ടലിൽ കൊല്ലപ്പെട്ട ഗുണ്ടാസംഘം സന്ദീപ് ഗഡോലിയുടെ കാമുകി ദിവ്യയാണ് പൊലീസിന് വിവരങ്ങള്‍ ചോര്‍ത്തി നല്‍കിയതെന്ന് കണ്ടെത്തിയതിനെ തുടര്‍ന്നായിരുന്നു ഇവരെ കേസില്‍ പ്രതി ചേര്‍ത്തത്. കഴിഞ്ഞ വര്‍ഷം ജൂണില്‍ ബോംബൈ ഹൈക്കോടതി ദിവ്യയ്ക്ക് ജാമ്യം അനുവദിക്കുന്നതുവരെ ഏഴ് വര്‍ഷത്തോളം ഇവര്‍ ജയിലില്‍ ആയിരുന്നു. 2016 ഫെബ്രുവരി 6 ന് മുംബൈയിലെ ഒരു ഹോട്ടലിൽ വെച്ച് വ്യാജ ഏറ്റുമുട്ടലിൽ ഗഡോലിയെ കൊലപ്പെടുത്തിയതിന് ദിവ്യയ്ക്കും അമ്മയ്ക്കും അഞ്ച് പോലീസ് ഉദ്യോഗസ്ഥർക്കും എതിരെ കേസെടുത്തു. ജാമ്യം ലഭിക്കുന്നതിന് മുമ്പ് ദിവ്യ ഏഴ് വർഷത്തോളം തടവിലായിരുന്നു.
Post Your Comments