മെയ് ദിനാശംസകൾ നേരാനാണോ സഖാക്കളെ അദാനി എകെജി സെന്ററിൽ വന്നത്? ഇനിയെങ്കിലും പാവപ്പെട്ട തൊഴിലാളികളെ പറ്റിക്കരുത്-സന്ദീപ്

അദാനി എകെജി സെന്ററിൽ വന്ന ചിത്രം പങ്കുവെച്ച് ബിജെപി നേതാവ് സന്ദീപ് വാര്യർ. മെയ് ദിനത്തിന് ആശംസകൾ നേരാനാണോ അദാനി അവിടെ വന്നതെന്ന് അദ്ദേഹം പരിഹസിച്ചു. എപ്പോഴും അദാനിക്കെതിരെ പ്രതികരിക്കുന്ന സഖാക്കൾ എന്തിനാണ് എകെജി സെന്ററിൽ അദാനിയെ സ്വീകരിച്ചതെന്നാണ് സന്ദീപിന്റെ സംശയം.

അദ്ദേഹത്തിന്റെ പോസ്റ്റിന്റെ പൂർണ്ണ രൂപം:

മെയ്ദിനാശംസകൾ നേരാനാണോ സഖാക്കളെ അദാനി എകെജി സെന്ററിൽ വന്നത് ? ഈ മെയ്ദിനത്തിലെങ്കിലും തൊഴിലാളികളെയും കർഷകരെയും ഗൃഹാതുര മുദ്രാവാക്യങ്ങൾ മുഴക്കി പറ്റിക്കുന്ന പരിപാടി നിർത്തിക്കൂടെ ?

അദാനി എകെജി സെന്ററിൽ വന്ന ഫോട്ടോ സന്ദീപ് വാര്യർ വ്യാജമായി ഉണ്ടാക്കിയതാണെന്ന് തെളിയിക്കുന്ന ആൾക്ക് കേരള സർക്കാരിന്റെ ഒരു ഓണം ബമ്പർ ലോട്ടറി ടിക്കറ്റ് നൽകുന്നതാണ് ( ഇപ്പൊ ഇതാണല്ലോ ട്രെൻഡ് . കിട്ടിയാൽ ഊട്ടി )