യുഎഇയില്‍ ഇന്ന് കോവിഡ് ബാധിച്ചത് 2051 പേര്‍ക്ക്

അബുദാബി: യുഎഇയില്‍ ഇന്ന് 2051 പേര്‍ക്ക് കൂടി കൊറോണ വൈറസ് രോഗ ബാധ സ്ഥിരീകരിച്ചതായി ആരോഗ്യ – പ്രതിരോധ മന്ത്രാലയം അറിയിക്കുകയുണ്ടായി. കോവിഡ് ചികിത്സയിലായിരുന്ന 2741 പേര്‍ രോഗമുക്തരായപ്പോള്‍ എട്ട് കൊവിഡ് മരണങ്ങളാണ് ഇന്ന് രാജ്യത്ത് റിപ്പോര്‍ട്ട് ചെയ്തിരിക്കുന്നത്.

കഴിഞ്ഞ 24 മണിക്കൂറിനിടെ രാജ്യത്ത് 2,36,988 കൊറോണ വൈറസ് പരിശോധനകള്‍ നടത്തിയതായാണ് ഔദ്യോഗിക കണക്കുകള്‍ വ്യക്തമാകുന്നത്. ഇതുവരെ യുഎഇയില്‍ 3.44 കോടിയിലധികം കൊവിഡ് പരിശോധനകള്‍ നടത്തിയിട്ടുണ്ട്. ഇന്നുവരെയുള്ള കണക്കുകള്‍ പ്രകാരം 4,32,364 പേര്‍ക്ക് രാജ്യത്ത് കൊവിഡ് വൈറസ് ബാധ സ്ഥിരീകരിച്ചിട്ടുണ്ട്. ഇവരില്‍ 4,13,477 പേരാണ് ഇതിനോടകം രോഗമുക്തരായത്. 1414 മരണങ്ങളും റിപ്പോര്‍ട്ട് ചെയ്യപ്പെട്ടു. നിലവില്‍ 17,473 കൊവിഡ് രോഗികളാണ് യുഎഇയിലുള്ളത്.