പാരീസ് : ഫ്രാൻസിൽ അദ്ധ്യാപകന് നേരെ വധഭീഷണി മുഴക്കിയ 14 കാരനായ മുസ്ലീം വിദ്യാർത്ഥി അറസ്റ്റിൽ . മതനിന്ദ ആരോപിച്ച് സാമുവൽ പാറ്റിയെന്ന അദ്ധ്യാപകനെ കൊലപ്പെടുത്തി അധികം വൈകും മുൻപാണ് ക്ലാസ് മുറിയിൽ വച്ച് അദ്ധ്യാപകന് നേരെ ഭീഷണി ഉയർന്നത്. സാവിഗ്നി-ലെ-ടെമ്പിളിലെ ലാ ഗ്രേഞ്ച് ഡു ബോയിസ് കോളേജിലെ വിദ്യാർത്ഥിയാണ് അറസ്റ്റിലായത് .
തുടർന്ന് അദ്ധ്യാപകൻ വിവരം സ്ക്കൂൾ അധികൃതരെയും ,പോലീസിനെയും അറിയിച്ചു . സ്ക്കൂളിലെത്തിയാണ് പോലീസ് വിദ്യാർത്ഥിയെ പിടികൂടിയത് . ഇലക്ട്രിക് തോക്കും വിദ്യാർത്ഥിയിൽ നിന്ന് കണ്ടെടുത്തു . നിരോധിത ആയുധം കൈവശം വച്ചതിനും വിദ്യാർത്ഥിയ്ക്കെതിരെ കേസ് രജിസ്റ്റർ ചെയ്തിട്ടുണ്ട്.
അഭിപ്രായ സ്വാതന്ത്രത്തെ കുറിച്ച് ക്ലാസെടുക്കുന്നതിനിടെ ചരിത്ര-ഭൂമിശാസ്ത്ര അദ്ധ്യാപകൻ ആക്ഷേപഹാസ്യ പത്രമായ ചാർലി ഹെബ്ഡോയ്ക്ക് നേരെ നടന്ന ആക്രമണത്തെ കുറിച്ച് പ്രതിപാദിച്ചു . ഒപ്പം ഇതുമായി ബന്ധപ്പെട്ട ചിത്രങ്ങളും കാണിച്ചു.
ഇതിനിടയിലാണ് വിദ്യാർത്ഥി അദ്ധ്യാപകന് നേരെ രോഷപ്രകടനം നടത്തിയതും ,സാമുവൽ പാറ്റിയെ വധിച്ചതു പോലെ വധിക്കുമെന്ന് ഭീഷണി മുഴക്കിയതും.തുടർന്ന് അദ്ധ്യാപകൻ വിവരം സ്ക്കൂൾ അധികൃതരെയും ,പോലീസിനെയും അറിയിച്ചു .
Leave a Comment