ജനങ്ങളെ ആശങ്കയിലാക്കി ഇന്ധനവില കുതിച്ചുയരുന്നു; വിലയില്‍ ഇന്നും വര്‍ദ്ധനവ്

കൊച്ചി: ജനങ്ങളെ ആശങ്കയിലാക്കി ഇന്ധനവില കുതിച്ചുയരുന്നു. ഇന്ധനവില ഇന്നും ഉയര്‍ന്നു. ലിറ്ററിന് 10 പൈസ വീതമാണ് ഇന്ന് വര്‍ദ്ധിച്ചത്. ഗതാഗതച്ചെലവേറുന്നതിനാല്‍ നഗരത്തിന് പുറത്ത് ഇന്ധനവില ഒന്നേകാല്‍ രൂപ വരെ ഉയരും. തിരുവനന്തപുരത്ത് ഒരു ലിറ്റര്‍ പെട്രോളിന് 85.40 രൂപയും നല്‍കണം. ഡീസലിന് 78.97 രൂപ.

84 രൂപ 27 പൈസയാണ് കൊച്ചിയിലെ പെട്രോള്‍ വില. ഡീസലിന് 77.90 രൂപയുമായി. പെട്രോളിനും ഡീസലിനും യഥാക്രമം 85.03 രൂപയും, 78.65 രൂപയുമാണ് വില. കേരളത്തില്‍ ഡീസല്‍ വില ചില സ്ഥലങ്ങളില്‍ ലിറ്ററിന് 80 രൂപ കടന്നു. തിരുവനന്തപുരം നഗരത്തിന് പുറത്ത് ഇന്നലെ ഡീസലിന് വില 80.22 രൂപ വരെയെത്തി. നഗരത്തില്‍ 78.87 രൂപയായിരുന്നു വില. കോഴിക്കോടും നഗരത്തിന് പുറത്ത് ഡീസല്‍ വില ലിറ്ററിന് 80 രൂപയിലേക്ക് അടുക്കുകയാണ്.