തെന്നിന്ത്യന് താരസുന്ദരി പ്രിയ ആനന്ദ് ഒരു മലയാള സിനിമയില് അഭിനയിക്കുന്നതിന് വേണ്ടി മൂന്ന് ബിഗ് ബജറ്റ് സിനിമകളാണ് വേണ്ടെന്ന് വച്ചത്. പ്രിഥ്വിരാജ് നായകനായ ‘എസ്രാ ‘എന്ന സിനിമയിലൂടെ മലയാളത്തില് എത്തിയ നടി കൂടിയാണ് പ്രിയ ആനന്ദ്. നിവിൻ പോളി നായകനായി അഭിനയിക്കുന്ന റോഷൻ ആൻഡ്രൂസ് സംവിധാനം ചെയ്യുന്ന കായംകുളം കൊച്ചുണ്ണിയിൽ അഭിനയിക്കാൻ വേണ്ടിയാണ് മൂന്നു വമ്പന് പ്രോജക്ടുകൾ താൻ വേണ്ടന്നുവച്ചെന്ന് പ്രിയ ആനന്ദ് പറഞ്ഞു. കായംകുളം കൊച്ചുണ്ണിയില് നായികയായി ആദ്യം തീരുമാനിച്ചത് അമലാ പോളിനെ ആയിരുന്നു. എന്നാല് തിരക്കുകൾ കാരണം ചിത്രത്തിൽ നിന്നും അമല പോള് പിന്മാറി. അതിനു ശേഷമാണ് പ്രിയ ആനന്ദിനെ സെലക്റ്റ് ചെയ്യുന്നത്.ജാനകിയെന്ന കഥാപാത്രത്തെയാണ് പ്രിയ ആനന്ദ് ചിത്രത്തില് അവതരിപ്പിക്കുന്നത്. കായംകുളം കൊച്ചുണ്ണിയുടെ ജീവിതത്തിലൂടെ സഞ്ചരിക്കുന്ന സിനിമയില് നായികയായി അമല പോളിനെ പ്രഖ്യാപിക്കുകയും പോസ്റ്റര് സഹിതം പുറത്തിറക്കുകയും ചെയ്തിരുന്നു. കനത്ത മഴയെ തുടര്ന്നു ചിത്രീകരണം വൈകിയതും ഷെഡ്യൂള് മാറ്റേണ്ടി വന്നതുമാണ് അമല പോള് പിന്മാറാനുള്ള കാരണമായി അണിയറക്കാര് പറയുന്നത്.
Post Your Comments