ആമിർ ഖാൻ അഭിനയിച്ച “3 ഇഡിയറ്റ്സ്” എന്ന സൂപ്പർ ഹിറ്റ് ചിത്രത്തിലെ അഭിനയത്തിലൂടെ പ്രശസ്തനായ നടൻ അഖിൽ മിശ്ര, മുംബൈയിലെ വസതിയിൽ അടുക്കളയിൽ വീണു മരണപ്പെടുകയായിരുന്നു.
അഖിൽ മിശ്രയ്ക്ക് രക്തസമ്മർദ്ദ പ്രശ്‌നങ്ങളുണ്ടായിരുന്നെന്നും അദ്ദേഹത്തിന്റെ വസതിയിലെ അടുക്കളയിലുണ്ടായ അപകടത്തെ തുടർന്ന് അദ്ദേഹം മരണത്തിന് കീഴടങ്ങിയെന്നും ഭാര്യ സൂസൻ വ്യക്തമാക്കിയിരുന്നു. അടുക്കളയിലെ കസേരയിൽ നിന്ന് താഴേക്ക് വീഴുകയും തലയ്ക്കും മുതുകിനും പരിക്കേൽക്കുകയും ചെയ്തു. പിന്നീട് വീട്ടുകാരും അയൽക്കാരും ചേർന്ന് അദ്ദേഹത്തെ ആശുപത്രിയിൽ എത്തിക്കുകയായിരുന്നു. വീഴ്ച്ചയുടെ ആഘാതത്തിൽ ആന്തരിക രക്തസ്രാവമുണ്ടായ നടൻ മരണപ്പെടുകയായിരുന്നു.
മിശ്രയുടെ വിയോഗത്തിൽ അനുശോചനം രേഖപ്പെടുത്തി നടൻ മനോജ് ബാജ്‌പേയി സോഷ്യൽ മീഡിയയിൽ എത്തിയിരുന്നു. സമാധാനത്തിൽ വിശ്രമിക്കൂ അഖിൽ മിശ്ര ജി, ഇത് അവിശ്വസനീയമാംവിധം ഞെട്ടിപ്പിക്കുന്നതാണ്, ദൈവം നിങ്ങളുടെ ആത്മാവിന് സമാധാനവും സമാധാനവും നൽകട്ടെ, ഓം ശാന്തി എന്നാണ് നടൻ മനോജ് ബാജ്‌പേയ് കുറിച്ചത്. സിനിമകളിലും ടിവി ഷോകളിലും ക്യാരക്ടർ റോളുകൾ ചെയ്തിരുന്ന അഖിൽ മിശ്ര, ആമിർ ഖാൻ, ആർ മാധവൻ, ശർമാൻ ജോഷി എന്നിവർ അഭിനയിച്ച “3 ഇഡിയറ്റ്സ്” എന്ന ചിത്രത്തിലെ ലൈബ്രേറിയൻ ദുബെയുടെ വേഷമാണ് മികച്ചതാക്കിയത്.
Post Your Comments