മലയാള സിനിമ താരം ഭാമ വിവാഹിതയാകുന്നു. ബിസിനസുകാരനായ അരുണാണ് വരൻ. വീട്ടുകാർ തീരുമാനിച്ചുറപ്പിച്ച വിവാഹമാണ് ഇതെന്നാണ് താരം പറയുന്നത്. വനിത മാസികയ്ക്കു നൽകിയ അഭിമുഖത്തിലാണ് ഭാമ തന്റയെ വിവാഹവിശേഷങ്ങൾ പങ്കുവച്ചത്.
ലോഹിതദാസിന്റെ സംവിധാനത്തിൽ 2007-ൽ പുറത്തിറങ്ങിയ നിവേദ്യം എന്ന ചിത്രത്തിലൂടെയാണ് ഭാമ വെള്ളിത്തിരയിലേക്ക് എത്തുന്നത്. നെക്സ്റ്റ് ഡോർ ഗേൾ ഇമേജുമായി സിനിമാ ലോകത്ത് നിറഞ്ഞു നിന്ന സുന്ദരി. പിന്നീട് നിരവധി ചിത്രങ്ങളിലൂടെ മലയാള സിനിമയിൽ തിളങ്ങി. മലയാളത്തിന് പുറമെ തമിഴ്, തെലുങ്ക് , കന്നഡ എന്നീ ഭാഷകളിലും താരം തിളങ്ങിയിരുന്നു. 2016ൽ റിലീസ് ചെയ്ത മറുപടിയാണ് നടിയുടേതായി അവസാനം റിലീസ് ചെയ്ത മലയാളചിത്രം.
Post Your Comments