മലപ്പുറം: താനൂരില് മഹാരാഷ്ട്ര സ്വദേശിയായ യുവാവിനെ അക്രമിച്ച് 1.75 കോടി രൂപയുടെ സ്വര്ണം കവര്ന്നതായി പരാതി. ജ്വല്ലറികളിലേക്ക് വിതരണം ചെയ്യാനെത്തിച്ച സ്വര്ണ്ണമാണ് കവര്ന്നതെന്നാണ് വിവരം. ഇയാളുടെ പക്കല് 2 കിലോഗ്രാം സ്വര്ണവും 43 ഗ്രാം തൂക്കം വരുന്ന സ്വര്ണ കട്ടിയും ഉണ്ടായിരുന്നു. കോഴിക്കോട് ആസ്ഥാനമായി പ്രവര്ത്തിക്കുന്ന ആഭരണ നിര്മ്മാണശാലയില് നിന്നാണ് സ്വര്ണം താനൂരിലേക്ക് കൊണ്ടുവന്നത്. കാറില് എത്തിയ നാലംഗ സംഘമാണ് കവര്ച്ച നടത്തിയതെന്നാണ് മൊഴി. സംഭവത്തില് പോലീസ് അന്വേഷണം ഊര്ജിതമാക്കി.
അതേസമയം, പൊന്നാനിയില് പ്രവാസിയുടെ വീട് കുത്തിത്തുറന്ന് 350 പവന് കവര്ന്ന കേസില് പ്രതിയെന്ന് സംശയിക്കുന്ന ആളുടെ സിസിടിവി ദൃശ്യങ്ങള് പൊലീസ് പുറത്തുവിട്ടു. കവര്ച്ചയ്ക്ക് ഒന്നിലധികം പ്രതികള് ഉണ്ടാകാമെന്ന് സംശയിക്കുന്നതായി പൊലീസ് പറഞ്ഞു.
Post Your Comments